(مجلة كل الخواطر ) لية تنسانى ---بقلم الشاعر \علاء العجمى

ليه تنسانى
ياما أديتك
من عمرى ليالى
رسمت أسمك
على طرف لسانى
كتبت بحبرك
كمان عنوانى
عاوز تهجر
وتروح تنسانى
ليه يا حبيبى
ليه تنسانى
أنت عمرى
وحبى الغالى
حبك فى قلبى
هو حياتى
البعد عنك
ياروحى خلانى
أحب هواك
وأدوب بكيانى
أشوف طيفك
فى حلم منامى
ياحبى ياعمرى
يا أحلى هيامى
عاوز تهجر
وتروح تنسانى
حرام عليك
أصبحت أنانى
تظلم قلبى
ليه وحدانى
هانت عليك
وصف أحلامى
أيام ما كان
الزمن زمانى
والمكان مكانى
اخذت منى
شبابى وحنانى
لما كتبت
على رموشك
عنوانى
عاوز تهجر
وتبعد عنى
وتنسانى
عملت أيه
وذنبى أيه
ذنبى سهرت
معاك ليالى
مهما تهجر
مهما تبعد
حبى ليك
فى قلبى 
غالى
روح يا حبيبى
روح وأنسانى
بكرة زمانك
يجيبك تانى
م. علاءالعجمى