(مجلة كل الخواطر ) مش خيال او مستحيل ----بقلم الشاعر\وحيد راغب

مش خيال أو مستحيل
اليسارى واليمينى
مش ف دينى
دينى وحدة وقلب شمسى
دينى فدسى
دينى شربة حق تروى
ظلم نفسى
دينى أسوة مش كلام
عدل ناطق بالسلام
دينى كرم كل نفس
دينى عرس
للأخوة
دينى أصل للمروة
دينى فجر بشق ليل
دينى واقع
مش خيال أو مستحيل
دينى فتح للعقول
دينى حطم كل غول
دينى حرز لكل دين
دينى قال إن الاله
هو المعين
والهداية مش بإيدنا
الهداية ف اليقين
دينى حب للبرية
دينى وجبة روح هنية
مش بسيف
دينى يكره كل زيف
والمعاملة فيه أساس
مش كلام مليان جناس
دينى يعرف الانتماء
والوطن دون اصطفاء
دينى قطر للحضارة
دينى بحر الاستنارة
دينى هو الانسانية
دينى يكره اى فرقة
أو سامية
دينى رحمة ومش قساوة
أو نازية
دينى عرف يكون شريف
دينى يكرم كل ضيف
دينى شرعه ف المدينة
زى ريف
دينى دفء ف الشتا
ونسمة ف صيف
دينى حق
لو نعم قالها ولأ
دينى نور
عمره ما يشهد أى جور
لو عرفته
هاتلاقيك حواليه تدور
الشاعر وحيد راغب عضو اتحاد كتاب مصر