جارى التحميل
استخدم زر ESC أو رجوع للعودة
كل شىء مسموح
.........
فى حاجه إسمها مافيش و مش مهم
و كمان ماعنديش بكل صراحه ووضوح
وإنت معايا معرفتيش اي شىء منهم
لإنى ماحبتش قلبك يوم يبات مجروح
.
عارفه ليه لانى بجد حبيتك بوجدانى
مع إن حبك اللى جوايا ذاد فى حرمانى
وتأسى وبسامح وتظلمى بقلبك الجانى
وغصب عنى برجع لك حلاوة روح
.
وأنافاكر إن ده جوايا طيبه مع إنها خيبه
وأخاف ألومك فى يوم تكون اللومه عيبه
الناس تعاتبك وأنا أرد عنك فى الغيبه
وأبتسم لك وأنا قلبى زى طير مدبوح
.
وساعات تمر مليانه مر من عمايلك
مابقتش عارف قلبى الطيب يستاهلك
والا قلبى بجد من همومك مش أدك
مش فاهمك ولا همك بكى ولانوح
.
صدقينى كل طلباتك كانت مجابه
رسمت صورتك قمر على سحابه
غنيت إسمك لحن على ناى وربابه
وكنت معاك بسافر واتغرب وأروح
.
لكن ويتهيئلى مالكيش فيا نصيب
وقلبك بيياعد وبيعاند قلب حبيب
كان بيتمنى يسعده ويكون منه قريب
لكن بعد عذابى كل شىء مسموح
.
#حبيبك صلاح الصغير
