الحلم الجميل
للشاعر : محمد ضباشه
يا محلى الدنيا فى قربه
معاه قلبى ينول مناه
البسمة تشوفها شفايفى
وعمرى برجعه لصباه
وأقول يا حبيبى ماتخدنى
أو قلبك ياخدنى معاه
نقول للشوق ماتستنى
وباقى أيه تانى استناه
حبك سطع فى القلب
ورقص بيه لما رأه
بدر فى السما منور
ففرحت أنا لرؤياه
ودموعى نزلت فرح
وأه قلبى بان جواه
أشواق تغرق بحور
وتدوب فى حضن لقاه
أقف على أبواب شفايفة
وأشواقى تقول عشقاه
وتسرح لدنيا بعيدة
وهى والأيدين مسكاه
تشرب من حنان قلبه
عسل خمره يا محلاه
وتبقى الدنيا فرحت بى
وعذابى رماها وراه
وساعات وحدتى وقفت
والجرح طاب جواه
والليل طلع له فجر
والحب معاه عشناه
والشمس فتحت عيونها
وبكره جه وشفناه
وأتحقق الحلم الجميل
وطرت معاه فى سماه
