.......(من الحب ما قتل )............
الدبه قتلت صاحبها
وكان فكرها تداويه
والقطه أكلت وليدها
وكان ظنها بتحميه
والزوجه تخنق وليفها
وكان حلمها تداويه
بالشك والغيره
صبحت حياتهم تيه
لو لحظة واحدة إبتسم
لمين وازاي وليه
مليون سؤال يترسم
سهم الهوى يتاويه
ولا يسوى مليون قسم
ساعة القضا يحميه
وعينه لو تتكسر
على شيء يبص عليه
الدم فيه يتحصر
والكون يضيق حواليه
وتلاقي كله إتعصر
ورصاصة جوه عينيه
ويا حظه اللي إتحشر
أو كان له كلمه فيه
بالعصا راح يتكسر
كل اللي شايفه فيه
مجنون غرامي إتعصر
على كل أرض ألاقيه
ريحة كلامه بصل
أزرق وريحته فيه
حاسس غرامي وصل
لأي حد أعطيه
مع إن حبه عسل
سكر ودوبت أنا فيه
أضرب بحبه المثل
وقلبي أنا يشويه
حتى في شهر العسل
عيشنا حدادنا عليه
من كل فج وصل
بعثة وعزت فيه
من الغيرة صابني الكسل
وحياتي صبحت فيه
وفى كل لحظة أتكسر
من حبي أجري عليه
أشوفه زي الرسل
وهدايتي هيه إيديه
والقلب لو يتعصر
ينزل عصيره فيه
يرسم بدمه الصور
كل الصور تلاقيه
مرسوم وفيه العبر
فوقه الغرام تحتيه
وانا اللي قلبي عبر
مركب بحاري عليه
تعب وبعد ما صبر
رسي بحبه عليه
فرح وشكر القدر
لأنه من عليه
واعطى له أجمل قمر
واستنا نوره إليه
لكن بخيل الخبر
رفض الخبر يسقيه
من فرحه زي البشر
حبيب وناقصه إيه
مفروض عشانه صبر
يلقى الحبيب في إيديه
يسقيه ووقت الخطر
ينزل حنان يرويه
مش ألقى طول النظر
غيرة وتدهس فيه
ما هو كل حب إتأمر
يحب أو ينهيه
وانا قلبي وحده إتحصر
جوه القدر يأويه
وهعيش حياتي قصر
كل الهموم تشويه
والعمر لو يتكسر
ولا مية غرام يداويه
عايش برأي المثل
فيه هم والآ أعطيه
...(شعر)...........
عبدالله السايح
