(مجلة كل الخواطر ) بلدك بجد محتاجالك - للشاعر / محسن رجب جودة.

بلدك بجد محتاجالك
واه يامحمدين والله طال الغياب
واه يا محمدين موصلش منك جواب
مرّت سنين ياولدي من غير حس وسؤال
والولد كبروا ياولدي كبروا وصاروا رجال
كيفك ياواد وكيف أحوالك عساك ياواد تكون بخير
كيفك ياواد وكيف أحوالك مشتاقلك ياضي العين
شفت ياواد غدر اليهود
شفت الرضيع اللي أتحرق...شفت الشباب اللي أتقتل...
شفت دموع الأمهات اللي نازلة م الألم
وأنت عايش ف الخليج بتلم قرشين والسلام....يسندوك وقت الكبر
طب أيه العمل
لو رجعت في يوم ما لقيت بيت ولا وطن
هتفرش فلوسك وتنام عليها
ولا هتاخدك بالاحضان وتواسيك وتواسيها
ارجع ياواد بلدك بجد محتاجالك
ارجع ياواد وعلم نشانك دا زمانك
ارجع ولملم الصحاب وأنصب خيامك ع الحدود
ارجع ولملم الصحاب واحرس ولادك م اليهود
وأرجعلي تاني وف كتفك سلاح بلدك
وأرجعلي تاني وف أيدك علم بلدك..........
فاكر ياواد وأنت واقف ع الحدود
فاكر ياواد لم َ شفت الغدر في عينين اليهود
فاكر ياواد لمَ أيديك كانت تملي ع السلاح
فاكر عدوك ولا نسيته...هو عدوك لو معاك ميت معاهدة وميت سلام
حتي لو في يوم أداك سلاح
فاكر ياواد شقة نشانك وسط الظلام
فاكر ياواد ضحكة صحابك وقت الغرام
فاكر ياواد يوم العبور لمَ عبرنا لمَ انتصرنا لمَ كسرنا شوكة اليهود
فاكر ياواد يوم العبور لمَ الصحاب والجيران دقوا الفرح على الطبول
هذا كلامي أنا راجل كبير..ممكن تقول خرّف يومين
ممكن تقول العمر عدى من سنين بس الارادة والعزيمة
هتفضل شباب ليوم الدين
وفي النهاية مسك الختام....بلدك بجد محتاجالك..خلص الكلام
بقلم/محسن رجب جودة...........السبت1/8/2015