زى مرايتك أنا
محمد ضباشه
زى مرايتك أنا
لما تحبى تكلميها
وتبين لك ملامحك
وأنت طبعا بصا فيها
وتظهر لون عيونك
لما تحبى تكحليها
دورها توضح وبس
وما بتاخد حاجة ليها
ولا بتعرف تزوق
ولا فيه حاجة بيديها
ولا بتعرف تنافق
لوحتى تلمعيها
شفافه بقلب أبيض
والصدق كله فيها
فليه تخافى منها
وأنت حابه تمسكيها
وعلشان تبانى أحسن
لازم تحتاجيها
وعلشان تبان عيوبك
دايما أبقى اسمعيها
ولو زهقتى منها
فى حيطة وكسريها
وياريت ما يجى يوم
تبكى عيونك عليها
