جارى التحميل
استخدم زر ESC أو رجوع للعودة
شفت عيونك
.......................
أول مره قابلتك فيها
شفت في عينك حلمي الغايب
وبقيت بسرح وبدوب فيها
وإتمنيت لو نبقى حبايب
...............................
شفت عيونك أول مره
ضحكت ليا الدنيا وقالت
إلحق خدها في حضنك يلا
بكرا هتندم لو يوم غابت
..............................
إتمنيت أفضل علي طول
سارح جوه في نن عيونك
وأفضل أغني كلامي وقول
إنتي ليلى وأنا مجنونك
.............................
لحظات عدت وأنا هيمان
روحي هايمه في كل مكان
سارح فيكي سامع ليكي
عدى خيالي حدود إنسان
............................
لمست إدي أجمل خَدْ
روحت معاكي ل أبعد حد
لو مين يوصف يتعب عد
بنيت في خيالي قصر كبير
خايف أصحى يروح يتهد
.....
عصام دويدار
