جارى التحميل
استخدم زر ESC أو رجوع للعودة
طعم الفراق
للشاعر : محمد ضباشه
لو دوقتوا طعم الفراق
كنتوا يالايمنى عذرتونى
وكنتوا داويتوا الداء
وما كنتوا جرحتونى
ولا شمتوا ناس فيه
من يوم ما سبتونى
وكأنى مجرم حب
وفى سجن الهجر رميتونى
طعم فراقكم صبر
وعذاب وويل ومرار
خلانى عايش مع أمبارح
وبكرا ملوش نهار
وكل حاجة فى عنيا
ملانه غبار وعكار
لاعقلى فيها ارتاح
وقلبى مولع نار
لو شوفتوا قلبى أنا
لكنتوا بكيتوا سنين
مليان بطعم الصفا
وجواه أكيد ساكنين
من أول ما شوفتكم
ولحد ساعتى الحين
وأنتم عاجبكوا فراقى
وفى عكس الطريق ماشين
