جارى التحميل
استخدم زر ESC أو رجوع للعودة
شجن وأنين
******
مابين الوقت والتانى شجن ودموع ونار وأنين
ثوابت من زمن آزلى وبيعدى وفيه دايبين
ياناس عايشة وناس جايه وناس وسط التراب رايحيين
خلايق أسيه قلابه وعايشه الدنيا دى غابه وناس ظالمين
وناس بيبان على وشوها تلاقى الطيبه فى نقوشها ولا حاسين
ودايرة الساقية فى عروقنا بتطفى الفرح فى شموعنا ولا فاهمين
كتاب محفوظة صفحاته وكل يبيع روياته يا محترفين
بغش وكدب وخيانه وذل وقهر وإهانه دموع وحنين
زمن إيه اللى بكانا حرق كل اللى جوانا وفيه عايشين
يفوت الوقت ويعدى يطول الليل وبيهدى ومش ناسيين
نعيش جوة الحياه ألوان ونفس القطر فيه راكبين
نفارق مين نودع مين ومين فينا يسابق مين
مابين الوقت والتانى شجن ودموع ونار وأنين
محمد سالم
