جسر الحياة
***********
نفس القلوب الطيبة نفس النقوش
عايشين حياتهم يشتهوا كل الوشوش
والحزن ساكن قلبهم ميعبروش
على الخيانه والنداله ميقدروش
واقفين على جسر الحياة وسط الوحوش
تنهش فى توبهم تفترى وميفهموش
أزمة حياة فيها البشر زى القروش
حُكم القدر وسط التراب جوه النعوش
توب القلوب الطيبة أبيض جميل مفيهوش رتوش
قسوة زمن خلقت شجن وسط التياب عملت خدوش
عتمه عذاب فيها الديابه ميرحموش
وإن كان على ظلم القلوب معرفنهوش
وإن كان على صبرنا
مين اللى قال إن الديابة مابيموتوش
محمد سالم