واقف لوحدي
******
طول عمري واقف لوحدي
صابر و نفسي عزيزه
و لا عمري مدّيت إيديا
و لا عشت لحظه لذيذه
و لا مره شلت السيجاره
و لا إيدي عترت ف شيشه
و لا ليا صاحب محشش
و لا عمري شفت الحشيشه
والحظ ..... دايما معاند
احلامي طلعت تعيسه
تحدفني مره ..... شمال
و مره ....... اسقط فريسه
و مره ...... إنسان مفلس
مفيش في جيبي باريزه
ومره إنسان ضعيف
ترميني عضمه و ريشه
ملهاش .......... أبدا عزيز
كل الزباين ........ رخيصه
ودنيا ...... عملانا لعبه
حركاتها دايما خبيثه
تدي اللي عنده كنوز
وتنسي اللي قاعد ف خيشه
تنسي اللي قلبه حينين
تفضل طموحه حبيسه
واهي دنيا ديره علينا
عمله علينا ....... عزيزه
حيرت الغلابه يا دنيا
يا دنيا عمرك خسيسه
تدوسي عليهم برجلك
وقعوا في إيدك فريسه
أما اللي هانك وذلّك
تبوسي توطّي رخيصه
بس اللي فاهم طريقك
شايفك ...... سوده وجيفه
ما تساوي جنح البعوضه
و لا فيكي حآجه لذيذه
إمشي عليها و غمض
واحلم .......... بلقمه شريفه
هتبقي انت اللي الفايز
وتبقي ...... ذنوبك خفيفه
*********
بقلم / طه إبراهيم
