جارى التحميل
استخدم زر ESC أو رجوع للعودة
فوق الجدار ألبوم صور مكتوب عليه كل العبر
ويا اللى فاتوا واللى ماتوا خالق حنين يبكى الحجر
جوه القلوب شمس الغروب بعد البكى ضاع النظر
كانوا أكابر حينا سابوا العذاب يضمنا والخوف حضر
أزمة زمان نفس المكان نفس الدمار المنتظر
هما بشر وإحنا بشر بعد الفراق غل إنتشر
أخ وأخوه ضربوا السهام شدوا اللجام بالمختصر
ورثوا التراب والورث طوق للى يخون واللى بالغدر إفتخر
يصبح عليل للمال ذليل ويعانى من طول السهر
ويعيش مناه يبلغ قضاه يصرخ ضميره لو إفتكر
توب الطغاه وسط الحياه فايت معاه قلب إنكسر
هما بشر وإحنا بشر هما القلوب الطيبة وإحنا حجر
هما الغناوى والحكاوى والمعانى اللى بتخدك للقمر
تطوف معاك تشعر بإنك فيك ملاك يخدك بعيد عن البشر
تسمع قلوب وسط الدروب دايرة تحوط على الحنين اللى إنحسر
هما بشر وإحنا بشر فينا الضمير اللى إنتهى واللى إنتحر
محمد سالم
