جارى التحميل
استخدم زر ESC أو رجوع للعودة
…… .(تسمحي لي)……
تسمحي لي
أعترف لجمال عينيك
إن كل السحرفيك
والجمال مخلوق عشانك
والربيع جمل عينيك
من عينيك سهم قادر
يجرح الكون من بعيد
لو فى لحظة تغمضيهم
مش هيبقى الكون سعيد
… .. تسمحي لي
إعترف إنك جميلة
والجمال منك فى حيرة
ملكك وبقيت وحدك
فى الجمال ملكة وأميرة
…… تسمحي لي
أعترف إن الشفايف
شمس… دوبت فيه الحنين
لما تتحرك بهمس
نسمة ماشيه فى سكتين
من الشفايف قلبي خايف
رقة الشوق والحنين
من سهامك كان كﻻمك
قلبي تاه ماعرفش فين
… .. تسمحي لي
أعترف….
إن الكﻻم بلسم شفا
صوتك مانام منه الدفا
نسمة حرير فيه الوفا
رقة…. وبنرق لكﻻمك
نسمة وبنشوفها فى مﻻمك
همسة ويسبقها سﻻمك
…… . تسمحي لي
أعترف إنك مﻻك
كل شيء غيرك هﻻك
أخدتي حب الكون كله
من جماله كان حﻻك
… .. تسمحي لي
أعترف…
إن الدموع فرحانه فى عينيك دروع
رفضة تسيب بحر المشاعر
خايفه تتوه وقت الرجوع
… . تسمحي لي
.…… (شعر)…… ..
عبدالله السايح
