مبروك علوه
¤(ذكريات طفوله)¤
فاكريا صحبى لماكنا صغيرين
كنا بنلعب بالتراب ونقولوا عليه ده عجين
كنا بنلعب كوره شراب وكنا فيها فنانين
كنا بنلعب عسكروحراميه وبيها كنا مبسوطين
وكنا لورحنا المدرسه نفضل ياصحبى زعلانين
والسعاده تملى قلوبنا وإحنا كنا مروحين
من الطين نصنع ألعاب وبأفكارنا متوضعين
كنا بنسهرمع بعض الليل ونقولوامش نايمين
لو لمينا فى العيدجنيه نمشوا بيه فرحانين
كنا بنلعب فى الشوارع وعن نفسنا كنا راضين
كنا بنلعب سوا بالليل وأهلنا علينا مشغولين
وكان بيجى فى بلدنا مولد كنا بيه متجاننين
كنا بناخد مصروفنا وبنتعلم بيه التنشين
ونشترى مسدس لعبه ونضرب فى الناس الماشين
وركبنا فى يوم مرجيحه وفضلنا فيها متعلقين
وأصحابنا دورو علينا ولما زهقوا راحو ماشين
وكنا بنقضى أيامنا لعب وبالمذكره مش مهتمين
كنا بنقولوا إمتى نكبر وكنا ديمآ مستعجلين
ولما كبرت شويه ياصحبى
وبقيت من الناس الواصلين
أتغيرت ياصحبى علينا
علشان محنش مشهورين
دا اللي بينا مش يوم
اللي ياصحبى سنين
اسمع منى نصيحه ياصحبى
فى الدنيا مش دايمين
هيجي من بعدالحياه موت
ولأخرتنا مش عرفين
هنتقبلوا سوا فى الجنه
ولا محنش متقبلين
متتكبرش علينا يا صحبى
داأحنا أصلنا من طين
¤¤¤¤¤¤¤¤¤¤¤¤¤¤¤¤¤¤
بقلم
#مبروك_علوه
