جارى التحميل
استخدم زر ESC أو رجوع للعودة
من غير عتاب يا حبيبى بتقول ظلمت
وأنا ف هواك يا حبيبى عارف إنى اتظلمت
ياما قلتِ عنى ف هواك ظالم وأنانى
وأنا اللى شبعت كلام وأشعار وأغانى
وأنا اللى اتمنيتك لحظة تكونى أمانى
لما تصرخ رعشة قلبى
لما تعلن أشواقى بحربى
لما ينده قلبى بحُبك
لما تنعم روحى بقربك
يمكن أحس انك فاكرانى
لما تتوه بين الدروب خطوتى
وتسيل بين القلوب دمعتى
وتسافر مع سراب العمر آخر بسمتى
يمكن ألقى عيونك نصيبى وقسمتى
ويمكن ألاقى بحضنك عنوانى
مليك وملك ومملوك
مليكى انت وقلبى الملك
وروحى أسير مملوك
ياما عشت بزمانى ملك
وف هواك صرت أنا المملوك
أكيد أنا اللى ظلمتك لما هويتك
واخترت أعيش الوجد
وقلت قلبى أصبح خلاص بيتك
يا ترى ظلمتك بجد؟ ولا أنا المظلوم؟
يا ترى يموت قلبى فى حبك
ولا يموت حبى فى قلبك
ولا أعيش أسير دربك
ياترى هترحّم على الهوى
ولّا أصير بِحُبِّك أنا المرحوم؟
خالد العطار
