جارى التحميل
استخدم زر ESC أو رجوع للعودة
الى حكومة دولة كاكا الأتحادية
للشاعر الساخر : محمد ضباشه
لما السكوت معناه رضا
يبقى كلامنا ملوش لزوم
مدام ملوش أى صدى
وأرجع وأقول وعلى العموم
عمرى سكوتى ماكان رضا
وعمر صبرى ماراح يدوم
هزعق واقول كدا كفاية
كل كلامكوا ملان سموم
وافكاركوا باليه مرقعة
بتشيل الناس الهموم
لما بشوفكوا على الشاشات
بلقى سمانا ملان غيوم
وتنتابنى حالة من الهياج
بقوم قوام أشق الهدوم
وبمشى فى البلد بلبوص
جوه جراحى راح بعوم
واقول يا ناس قوموا أخرجوا
كفاية صمت وكفاية نوم
بانوا مره على الشاشات
وتوبكوا بالى ملان خروم
وعيونكوا دبلانة وبطونكوا
بتقول يارب لمين نلوم
وشهادات على الحيطان متعلقة
من بدرى ناوياها صوم
نفسها تفطر على شغلة
مش قاعدة تلعب على أى كوم
وعلى القهاوى مرصصة
بتلعن ابوكوا كل يوم
