جارى التحميل
استخدم زر ESC أو رجوع للعودة
قدرى أستحمل الحرمان
محمد ضباشه
ليه تهجر وتنسانى ؟
وتخلى دموعى تواسينى
وبدل ما ألقاك قريب منى
فى نار بعدك بتكوينى
وتغيب عنى شموس حبك
وفى حضن الوحده ترمينى
وتكتب بالآلم جرحى
وفى بعادك تعادينى
نسيت منى قوام حبى
طب شكرا يا نور عينى
هو ذنبى أنى حبيتك
ومشيت فى سكة الهجران
أقول بكرا يعود تانى
وألبس اجمل التيجان
وأقول يا قلب أستنى
مسير شمس الحقيقة تبان
وأقول يا قلب أرحمنى
وارحم ظما العطشان
ويعدى بكرا متأخر
وأنا عايشة مع عذابى
بسترجع شريط حبك
وأنام على سطر فى كتابى
وأتمنى أصحى على أملى
ألاقى قصادى أحبابى
لحد ما كبر يأسى
وبدأت أتوه مع النسيان
وأقول يارب أرحمنى
وصبر قلب عاش تعبان
لا عاش خالى بلا حبه
ولا حبه طلع أنسان
فقلت راضي أنا بقدرى
وقدرى أستحمل الحرمان
