جارى التحميل
استخدم زر ESC أو رجوع للعودة
الله أكبر على الكبير
للأديب الشاعر : محمد ضباشه
فى الأذان الله اكبر
والغلابة موحدين
واللى مصيرنا بين ايديهم
على الكراسى مأنتخين
أحنا بنسبح بسبحه
وهما سبحتهم سنين
يا ما دوقنا الذل فيهم
وياما عشنا مجهولين
التاريخ ما بيحكى عنا
ولامرة شاف توبنا الحزين
حى قوموا للصلاة
يا أهل المحبة فى كل دين
هما يدوب حبة عدالة
يميلوا ناحية المحرومين
ومش علشان حكاما ياكلوا
نطاطى ليهم ونقول أمين
ومش علشان تموت بطونا
يدوسوا هما وفى كل حين
الله أكبر على الكبير
وعلى اللى فاكر الشبعانين
ورامى طوبة كل الغلابة
الحيارى الشقيانين
