جارى التحميل
استخدم زر ESC أو رجوع للعودة
....صبح العبور....
*****************
بفكرك …
لو سكتنا ملايها صعاب
هنكملها..
لو ضاقت علينا اعتاب
هانخطيها ونستحملها
والأحلام لو بعدت عنا
هانغنيلها
والأحزان لو لعبت بينا
هنبدلها
هانعيش سوى
ونعيش هوى
ونعيش لبكرة كاننا
زى الطيور
لما تلعب وقت مطرة
ع الزهور
ادينا لامسة حبنا
وقلوبنا شايفة قربنا
زى البدور
يكفينا بصة ف العيون
يكفينا ضحكة
مليانة شوق والحنين
بيدفى فينا
ويحتوينا
نقوم نطير
ونعدى فينا ألف حاجز
أو بحور
الف كلمة بتتولد فوق جبين
كل السطور
يكفينا اننا مش وقفنا نشتكى
خلينا قوتنا قربنا
وسلاحنا عزم بلون
صبح العبور
(الشاعرة/عبير الجندي)
ღ•::•ღ همسـღـات اســــتثنائــღــة ღ•::•ღ
