مجلة كل الخواطر:: الأنـيـــن {} بقلم الشاعرة المتألقة / صفاء عبد ربه

الأنين 
********
ليه ياأنين طول الليل شغال 
عمال تحدف بيا يمين وشمال 
ماعدت عارف ايه الصح 
ولا ايه البطال 
طب قولي 
قولي إزاي راح أعيش أُمَال
وإنتَ معايا علي طول شغال 
وملخبط علي طول لاحوال
دا أنا كل ما أقول الهم إنزاح 
ومن الليله هانام وأرتاح
وهاصالح عمري وأقوله سماح 
وأقول للحلم تعالي 
دي الدنيا بقت ويايا 
جميله وواسعه براح 
تعالي ننسي الماضي 
ونقيم علي طول لافراح 
ألاقيك تاني عمال بتزن 
توجع أكثر وأكثر . وتإن 
مافيش رحمه ولحظه تون 
لأجل ماأخد نفسي . وأحن 
ياأنين سيبني أنام وكفايه 
دا إنت حكايتك . ويايا حكايه 
لا بتهدا ولا ليك معايا نهايه 
ياأنين
أنا نفسي شويه أمان 
وضمة إيد
ضمة إيد بشوق وحنان 
لاجل ماتهدا وأقدر أنام 
وكفايه 
كفايه عمري كله كان أحزان 
ياأنين 
دا أنا طول العمر بادادي فيك 
وأدعي ربي يهديني ويهديك 
تغمض لاحزان عنا 
وتسيبنا نعيش حالنا 
لاجل مانحقق بعض أمالنا 
ياأنين سيبني أتأقلم بيك 
وأبقي رفيقة معاليك 
وع الدرب أنا هابقي صديق 
بس إرحمني شويه الله يخليك
وكفايه طول الليل زن 
وإرحم مره وبطل أن
صفاء عبد ربه