مجلة كل الخواطر:: مش عارفه {} بقلم الشاعرة المتألقة / صفاء عبد ربه

مش عارفه
**********
مش عارفه ليه أنا محتاره 
وكل ساعه أبقي في حاله 
لا بارسي مره علي بر 
ولا عمري فكرت أتغر 
واضحه وماعرفشي أتخابث 
وإللي يهيني 
تلاقيه في الحيطه لابس 
بيقولوا عليا إني بشاكس 
طب ليه 
علشان ماأنا برفض أتعاكس !!!!
وعمري مابعت ضميري لحد 
يمكن تكون عيشتي ع القد 
لكن راضيه ولله الحمد 
غلباويه وطول عمري شريفه 
من يومي قنوعه ونفسي عفيفه 
ماكل غير لقمه نضيفه 
ماأجيبها غير بالكد 
وعمري ماإديت راسي لحد
مأصَله ومتربيه بجد 
جدعه في الشده وأسد 
جسوره وماخاف من حد 
ومهماً ضاقت الدنيا عليا 
عمري ما إحتاجت لحد
ماأحتاج غير للي خالقني 
هوا حبيبي إللي رازقني 
ولا يوم أبداً هايسيبني 
أني أنداس من حد 
ماهوا سر وجودي 
وهوا إللي سكني الأرض 
ومهماً غضبت الدنيا عليا 
مافي قيد هايلبس في إيديا 
أصل المسأله مش فتحة صدر 
هيا بس فيه ناس ع الحجر 
دمهم ممزوج بالغدر 
ياخدوا وعمر مايدوا 
وفي الزنقه تافهين مايسدوا 
واخدينها بلطجه 
ومش شاطرين غير في الهميكه 
ضاربين الدنيا طبنجه 
وبالحرام ماليين الشنطه 
ياإخواتي 
بكفايه شغل أونطه 
دا أنا نفسي مره أرتاح 
باأدعيلكم في الغيب بصلاح 
ماأنا أصلي مابحبش أجادل 
وثقتي بالله العادل 
قادر يصلح لاحوال 
يجنبنا شر الأشرار 
وينجينا من الأهوال
صفاء عبد ربه