جارى التحميل
استخدم زر ESC أو رجوع للعودة
ليه يا بحر لما أجيلك
تحدفنى من بين ضلوعك
وكأنى ريم على صخر
مليان عكار محروم من رجوعك
قالولى بحر الأمان
أتارى الأمان مخلوع من جذوعك
ليه يا بحرى أنا
سقيتك حنانى سقيت قلبى الضنا
والضنا فيك يهون قصاد دموعك
قالولى بحرك مد وجذر
أصرخ من قلبى ومالى عذر
أنوار حياتى انطفت
وهانت بين ايديك
ومش باقى غير شموعك
مرساك يابحر شطى
وموجك يا بحر روحى
ولو نسيت يا بحر قلبى
نسايمك تداوى جروحى
يا بحر
شطك بعيد وروحى شريانك
لو يوم
شفتك سعيد يغنينى حرمانك
ثور يا بحر
وعليٍ موجك فوق كتاف العمر
اغضب كما البركان
أطلب روحى افديك
وطلبك لروحى امر
وكل املى يا بحر
تترك مركبى .........
تعدى من بين قلوعك
خالد العطار
