أنا والبحر
=====
علي الشّط بحور شعري
بأفردها
وألملمها
انا السّاكن حدود وعرى
وساجن في القصيد قصدى
انا العاشق
وانا الغارق
وأنا الماطر محبه وشوق
لكل من يعشق حروف شعرى
...
علي الشط بنيت البيت
بكل الشوق وما كليت
اجمّع م الرمل كلمه
واعود تانى لآخر البيت
ألاقي القافيه توجعى
وشوق تانى يطمعنى
اخوض البحر من تانى
في ابسطها انا المعنى
ألملم حرفي واتاخر
وفي الكامل مليش آخر
بحور الشعر تعشقنى
وأبياتى بتتاخر
...
انا ماشى ومش راجع تانى
يا بحر الشوق واحزانى
احزانى حاول حاول تغرقها
متحسسنيش انى الجانى
مشاعري يوماتى بتحرقها
وبستانى فى اشواكه بيعانى
جفت اشواقى ومفاصلى
مااصلى انا المجنى والجانى
...
عيونك عنى خبيها
يا همس الشوق متفانى
ولو حرفك حب يبوح بيها
مشاعرك قولي لسجانى
يسجنى لجل لا اشوف طيفك
ولا تروي الميه اغصانى
وان تهتى وتاهت خطاويكي
انت عارفه وطنك يا اوطانى
...
عيونك دى اللي أسرانى
مقاس العمر وزمانى
يمكن لما تشوفنى تلاقي
بسمة أمل لعمري الباقى
لكن في الدوّامه انا تايه
يا كل الحب معاه ترياقي
علي الشّط بحور شعري
بأفردها
وألملمها
انا السّاكن حدود وعرى
وساجن في القصيد قصدى
انا العاشق
وانا الغارق
وأنا الماطر محبه وشوق
لكل من يعشق حروف شعرى
...
علي الشط بنيت البيت
بكل الشوق وما كليت
اجمّع م الرمل كلمه
واعود تانى لآخر البيت
ألاقي القافيه توجعى
وشوق تانى يطمعنى
اخوض البحر من تانى
في ابسطها انا المعنى
ألملم حرفي واتاخر
وفي الكامل مليش آخر
بحور الشعر تعشقنى
وأبياتى بتتاخر
...
انا ماشى ومش راجع تانى
يا بحر الشوق واحزانى
احزانى حاول حاول تغرقها
متحسسنيش انى الجانى
مشاعري يوماتى بتحرقها
وبستانى فى اشواكه بيعانى
جفت اشواقى ومفاصلى
مااصلى انا المجنى والجانى
...
عيونك عنى خبيها
يا همس الشوق متفانى
ولو حرفك حب يبوح بيها
مشاعرك قولي لسجانى
يسجنى لجل لا اشوف طيفك
ولا تروي الميه اغصانى
وان تهتى وتاهت خطاويكي
انت عارفه وطنك يا اوطانى
...
عيونك دى اللي أسرانى
مقاس العمر وزمانى
يمكن لما تشوفنى تلاقي
بسمة أمل لعمري الباقى
لكن في الدوّامه انا تايه
يا كل الحب معاه ترياقي
