فرج الشاعر
(الحلم أصبح مستحيل)
الكلام بقي صعب جداا
والحلم أصبح مستحيل
والمرض كوش علينا
والوطن أصبح عليل
لسة الظلم بعيني شايفة
والغلاء يوم عن يوم يزيد
والغليان زيي وزيك
بيدفع الثمن أكيد
لما قومنا وعملنا ثورة
قولنا نستنا الجديد
عيش وحرية وكرامة
كنت باحلم أعيش سعيد
والثمن كان دم إبني وإبنك
لما مات وأصبح شهيد
والشهادة شئ مقدس
بس مش لأجل العبيد
لما سيدك يأمر تطيع
وماتكنش إنسان فظيع
حتي وإنت غرقان في دمك
وهو دة في بلدي الجديد
