جارى التحميل
استخدم زر ESC أو رجوع للعودة
ومين يقدر يغيرنى\بقلم تامر النقيب
_____________
ومين يقدر يغيرنى
وانا عاشق تراب رجلك
ولا الكون كله يشغلنى
دة انا حبيت حنان قلبك
وبعشق حبك الصادق واخلاصك
ونفسى لما اقوم الصبح
أبوس ايدك وأبوس راسك
وأبوس القلب اللى شايلنى
ما بين الضلع والشريان
وأبوس العين اللى تحرسنى
وتبكى عليا لو تعبان
وأبوس إحساسك الدافى
ما انا معاكى بكون انسان
ومين يقدر يغيرنى
ولو قالو عليكى كلام
ولو قالو دى بتخونك
هقول عارف ومش ندمان
ولو شفتك انا بعينى
راح اخلعها وارميها
وأموت أحسن ولا لحظه
تقول دة فاتنى ونسينى
انا معاكى عرفت الحب
عرفت الصدق والاخلاص
وكل الحب سكنته جدار القلب
عشان يا للى ملكاني
وسحرانى
وعشقانى
دة أنا فى بعدك
بتوة توهان
ومين يقدر يغيرنى
وإسمك جوة شريانى
انا كاتبه بنقط دمى
بحس معاكى باللمه
واحس انى بحضن امى
واحس بسرى مع اختى
واحس بضحكتك ترفع
بصدرى همى مع غمى
بحس انك لوتغيبى يوم
بكون ميت ومن موتى انا شبعان
ومين يقدر يغيرنى
ولا يهمك
دة حقد ومالى جواهم
وغاويين بس يزيدو همك
وفاكرين انى راح ابيعك
ومش عارفين انا ساكن
مابين الضلع وبقلبك
ومش عارفين كمان انى
مينفعش اشوف غيرك
ومين أصلا يكون زيك
ومين قلبه هيحبك كما حبى
دة حبى ليكى مش مكتوب
على الاوراق
ولا مذكور ما بين عشاق
ولا مرسوم على الجدران
ومين يقدر يغيرنى
انا بيكى عاشق ولهان
وانا بحبك كمان مغرم
يا أغلى من حياتى كمان
تـــــامر النقيب,,,,
