جارى التحميل
استخدم زر ESC أو رجوع للعودة
راجع تانى
=====
وراجع تانى
لجل كل الامانى
الى موتها نورك
هشيله دا سورك
واحطم سرورك
وكل غرورك
كارهّا بحورك
وكل القصايد
وكل الغناوى
قانون الرشاوى
بناها قصورك
وحلمى المفسر
بقى طيف معصفر
وادوب ف شايي
جراحى كــ/ سكر
وطعم المرار بحلقي تحكّر
وبلختصار ..
بقيت أنا الأشطر
بكل الفنون اللي ترضى جنابك
واجعنى دا نابك
في لحمي بينخر
ألملم هبابك
بوشى أعطر
طالقها كلابك
وغلبى أنا أكبر
طوتنى الليالي
ونيلي تعكّر
اواسى في حالي
وقلبي تفطر
قالولي توّفر
أشاور تَشكّر
لاجم لسانى
وباعى تكسّر
وبعت الامانى
وحلمى المفسر
عليها الحديده
بقاء الاشطر
وبعت الحديدة
وكنت المخوطر
كلامى جدارى
بحضنه ادثر
وليلي نهاري
كأنّه تسكر
بيبانك جنانك
بمسك وعنبر
بنيها حيطانك
وسجنى أنا اكبر
#الصافي
