مجلة كل الخواطر:: راجـــــع تـانــــي :: " بقلم الشاعر المبدع أ / عبدالله السايح

.......(راجع تاني)...........
بعد سنين م الحب أعطاني
راجع دايس على أحزاني
كلمة وفيها براءة حبه
بعدها قال لي حرام نسياني
يمسك إيدي يضمها قلبه
فاكر هنسى سبب عصياني
تاني بيركب نظرة عينه
ويغوص جوه الروح من تاني
يحضن مني العين والنني
ناسي إن الدفه تعاني
كان فى سنين حبه مجنني
سد وصنعه ما بين أزماني
حتى ان كان بالنظره قابلني
صعب يجدد عندي حناني
من كلماته وربي سحرني
بس أكيد هقفل فى وداني
مهما رجوعه فى لحظة بهرني
صعب هيوصل فوق حرماني
ما هو بالحب وكان يخذلني
ولا كان يسمع مني بياني
تاني وراجع به يغازلني
يبني قصور ويقول في معاني
حتى ان كانت روحي تمني
ناسيه سنين ودموعي تعاني
بس لايمكن تبعد عني
روحي ولسه أكيد فاكراني
لسه هتسأل فرشي وهمي
وشمسي وقمري وعمري الفاني
مهما يقول أو مهما يغني
هتكلم مع كل كياني
وهفكر وهخيب ظني
وهينطق بالرفض لساني
.........(شعر)............
... عبدالله السايح ...