جارى التحميل
استخدم زر ESC أو رجوع للعودة
#كلام_و_السلام
علموني زمان وقالوا
إنك يا مصر أٌمي
كل حَبِت رمل فيكِ
ليها أصل جوه دمي
علموني والعلاَم
كان كلام والسلام
كل ما أبدأ الحكايه
كل العلاَم بيكٌون نهايه
بيكون نهايه لأجمل روايه
زي حٌب طار في وش رياح
يبقى ردي يبقى قٌولي
منين هايجي الإرتياح
هو ليه الظلم ليه ؟
والعذاب أصل الحكايه
واللي يعرف فيكِ يظلم
يبقى ظٌلمه مالوش نهايه
هو ليه لما إنتي أٌمي
ليه بتزودي همي
تسكٌتي لو شوفتي دمي
ينزف قٌصادك كام سنه
وإنتي ولا إنتي هِنا
نطق الحجر شق السٌكات
واللي فات الوقتي مات
واللي فٌوق همه اللي فٌوق
وإحنا زي عبيد في سوق
كل يوم بنتسرق
إمتى من خِيرك ندٌوق
علموني والعلاَم
كان كلام والسلام
كان كلام والسلام
بقلمي \عمرو كندوز
