مجلة كل الخواطر:: وسقطت بغداد :: بقلم المبدع الراقي أ / عبدالله السايح

……… ..(وسقطت بغداد)……… .
راح العراق زي اللي راح
والقلب مات ومفيش نواح
بغداد عروسة الرشيد
صرخت ومات منها الوليد
ووجهها في لحظة انكشف
على جسمها ميت ألف إيد
و البوم جوه قلبها
و أوﻻدها رافضين ظلها 
قوم يارشيد شوف ذلها
مذلولة فى سلاسل حديد
الحلوة بدموعها اشتكت
الجسم أوصافه اتحكت
والنهر فاض لما بكت
والنخل تاه منه الجريد 
الأنثى غرقانه فى دمها
فى العاريدوب حلمها
خلعوا المﻻبس عنها
ومفيش لها فستان جديد
دبحوها وفى دجلة إترمت
والنخوه فى اوﻻدها اتعمت
فى حضن غازيها اتحمت
وهاتك العرض سعيد
النهر شايل جثتها
والدم لونه فى ميتها
حتى الجنازة ومشيتها
محرومه من أمة رشيد
الثدي ببكي همها
والعار وريد فيه دمها
والثاني بيسقي عنها
والمحتاجين ليها عديد
الثدي فى الميه بكى 
والدمع فى عيونه اشتكى 
حتى الوليد لما لقى
شريان حياته مات شهيد
يا أمة ملهاش غيرفى الحداد
ليه القلوب صبحت جماد 
ليه العيون صابها العناد
ليه السكوت لف البلاد
ينعي على كل العباد
لحظة سقوط بغداد
… .(شعر)……… 
عبدالله السايح