مجلة كل الخواطر:: بنت النيل :: بقلم المبدع الراقي أ / طه إبراهيم

بنت النيل
******
انا ...... اللي ...... حبيتك
وياما قوتلك مواويل
وانا ...... اللي سهرتلك
علي ..... ضفاف .... النيل
وانا ..... العاشق الولهان
وعشقي مالوهش مثيل
بشوفك في عيني صبيه
متكحله بالمسك والميه
عروس البحر جنّيّه
فرشتلك ع الشط منديل
بشوفك .... يا .... غاليه
ضِلايه .......... وقمريه
وشمس ... صبح ... اصيل
بشوفك واحه متزوقه
ورد ..... وشجر .... ونخيل
بشوف الكحل في عينيكي
بلون ..... سواد ..... الليل
بشوفك جميله صبيه
ووقفه لوحدك عافيه
وحملك يا غاليه ثقيل
انا العاشق يا غاليه
وقدمت ..... روحي .... دليل
وقلت ...... ليكي ... إقبلي
عمري ما هبقي عويل
ولو ..... تطلبي ...... اكتر
بردو ..... هيبقي .... قليل
وانا اللي شلت همومك
ولسه بردو باشيل
و لا عمري مره شكيت
و لا قلت حملي ثقيل
و لا ..... عنك ..... اتخليت
وعشانك .......... استنيت
وتركت قلبي سبيل
وانا ..... اللي .... وصفتك
ف الغنا ... و القصايد
وقلبي في هواكي قتيل
وانا اللي غنيتلك يا غاليه
و قلت ...... شعر ... جميل
وياما ..... حلمت .. بيكي
وياما سهرتلك ف الليل
وياما .... خفت ..... عليكي
من غدر أي عميل
ليه تشامتي فيه عزالي
وتبعيني ....... بالرخيص
و انا باشتريكي بالغالي
ليه تدوسي عليا وتنسيني
وانتي لسه فقلبي وخيالي 
و لاّ انا حظي معاكي قليل
ليه يا غاليه بعتيني
وسبتيني لوحدي عليل
ليه يا غاليه بعتيني
وهجرتي ... قلبي سنين
ليه ...... الزمن غيرك
يا غاليه يا بنت النيل
و لا مره فكرتي تواسيني
و لا كلمه منك تقويني
و لا قولتي شد الحيل
انا العطشان يا غاليه
وانتي في إيدكي السلسبيل
انا تايه منيش عارف
وانتي في إيدكي الف دليل
ارجعي تاني صبيه
وقولي ....... للقمر ... ميل
ارجعي تاني يا غاليه
وانسي معايا مستحيل
*********
بقلم / طه إبراهيم