مجلة كل الخواطر:: سلم لي على مصر :: بقلم المبدع / محمد حجاج

سلم لى على مصر 
سلم لي على مصر و أهل مصر الطيبين
و اقرا لي الفاتحة فى السيدة و الحسين
يا رب بيك بستجيرمن الملاعين
اللى خربوا البلد وروعوا الآمنين
اللى ما راعوا حرمة أي دين
قالوا احنا الثوار المسلمين
طلبوا تأييد الملايين
عشان يحققوا الحريه و العداله للمصرين
كان املنا يحققوا امال التعبانين
و يرفعوا الظلم عن المظلومين
و يرجعوا حق المغبونين
و يخففوا العبء عن الفلاحين
و يطلعوا الخير من الطين
كان املنا يرحموا الصناع الماهرين
اللى واقفين قدام المكن تعبانين
كان املنا يداووا اللى صابه المرض اللعين
امله فى القصر او فى ام المصريين
المستشفيات بقت لاصحاب الملايين
و الفقير يا عينى يموت غلبان
ف الوحل و الطين
كان املنا و املنا و املنا يا ما كان
انتخبنا اللى قالوا احنا مسلمين
انتخبنا اللى حفظوا القرآن
و قلنا هيطبقوا الشرع و الدين
وقلت هنام شبعان
بعد ما كنت جعان
هنام ف امان 
بعد ما كنت خايف م الجبان
اللى نهب البلد اشكال و الوان
حكموا البلد و قلت هعيش فى اطمئنان
لا لقيت امن و لا امان
السرقه و البلطجه بقت اشكال و الوان
و انتشرت اكثر من زمان
زادت المظاهرات و الضرب ف المليان
الكل بقى عيان
اللى عقله صابه الجنان
و اللى جيبه بقى فلسان
احترت بين الاسلامين و المنقذين
ما لقيت واحد فيهم قلبه ع البلد و لهان
الكل ع الكرسى يجرى جريان
الكل عايز يمسك زمام البلد التعبان
الكل عايز رضا الامريكان
ما حد فكر ف شعب غلبان
شعب حب البلد بقلب ولهان
شعب شاف حدوده بتتهان
السلاح ملا البلد و مسكه الجبان
بيضرب بيه اللى فى الميدان
وقف الحال و اتخرب بيت الجدعان
و الفرقه ظهرت بين الاديان
مصر اللى حمت كل الاديان
ما فرقت بين مسلم و مسيحى فى اى زمان
الفرقه جت و هياخدنا الطوفان
و الكل بقى حيران
حزب ضد حزب و كلامهم كله توهان
ما راعوا حرمة بلد كان سيد البلدان
و لا شالوا الذل و الظلم و العدوان
و لا حققوا عدل و لا امان
سلم لى على مصر ام الجدعان
بقلم:محمد حجاج