العالم أقوى مـنى
للشاعر/ مدحت عطية
ساعات تحس إن
العالم جزء .. منك
وعمر الكون .. كأن
سنه .. من سنك
ساعات ينام العالم
فى حضنى
وساعات يقوم عليا
ساعات موجه
يحضن .. شطى
وساعات يشد إيديا
كان صاحبى
وعدى فوقيا
بعتر بإيده أحلامى
هز الأرض تحتيا
وبقيت فى ساقيه
متلجم .. دوار
والعالم أقوى منى
أزرع بإيدى .. أسوار
تحوش النهار .. عنى
لا قتنى فى ليل
مُش لاقى .. فجرى
والخطوة بتقف
من قبل ما أجرى
لا قيت الحب
مات .. فى صدرى
والولد .. كهل
من بدرى
