جارى التحميل
استخدم زر ESC أو رجوع للعودة
يامصر ياللي
عايشه تملي
وسط الهموم
ليه بس قولي
شمتان عزولي
فيكي كل يوم
من هم تلقي
الهم ملقي
وديما يدوم
ياكبيره قولي
حقك تنولي
الفرح لولي
ومفهش لوم
قدمت خيرك
ديما لغيرك
وتملي طيرك
فى الخير يعوم
ياصبره عمرك
همك فى دمك
ولاحد همك
مهما يكون
يانبع مية
نيلك هدية
وانا وبإيديا
سايبك فى نوم
ياحلوه قومي
اليوم دا يومي
وفى دمي عومي
لازم نكون
إنت الصبيه
وعروسه ليه
ندرن عليه
لأخلي أرضك
تطرح عيون
خايفين عليك
حارسين عينيك
وأنا واللي ليك
هنكون سجون
للي يعاديكي
حاقد عليكي
ويهد فيكي
لوكان جنون
يااجمل حوريه
فى الأرض ليه
صبره وعافيه
وعمرصبرك ماكان يخون
أحلف يمينك
ماحد غيرك
فى القلب عايشه
وفى العيون
