مجلة كل الخواطر / ثورجي ولا بلطجي للشاعر : محمد حجاج

قالوا ثورة .. قلت هيحققوا .. آمالي 
ثاروا وهاجوا وماجوا وقالوا يسقط نظام الحرامي 
سقط النظام وجه اللى ماكانش على بالي 
حَكَم العسكر قلت ماهم ولادي وإخواني 
يسقط حكم العسكر اللي حامي حدود بلادي 
الحرامي ثائر .. الحرامي ..شهيد بعد ماسرق مالي 
فتحوا السجون للثورجية ومعاهم البلطجي والحرامي 
الحرامي ثبتني وخطف ولادي وعيالي 
رحت اشتكي للوالي قال لى وانا مالي 
وانا مالي وانا مالي 
المال مالك مش مالي 
ياعم سيبني ف حالي 
هو انا ناقصك ولا انت على بالي 
ياناس انا مصري 
ورثت أرض اجدادي 
يا ناس انا مصري
من البلد دي مش من (مالي)
وماليش غير كرامتى وعيالي 
ولا فاكرينني هندي
ولا ايطالي ولا صومالي 
البلطجي طلع .. حرق ..وولَّع .. دمَّر وهيِّج عيالي 
خرجوا للشارع يحدفوا الطوب .. والملوتوف م العوالي 
قطعوا الطرق .. وهان عليهم كل غالي 
حرقوا الكتب والكنايس .. ودمروا الغالي 
الدم سال للركب خلاني أقول وأنا مالي 
حرام عليكم يا اخواتي
البلد بلدكم والمال مالك ومالي 
ازاي يابلد اقول وانا مالي
وترابك يامصر عليَّ غالي 
بحبِّك يابلد وحُبِّك ملا كل وجداني 
عشانك يابلد اضحي 
بروحي وعيالي 
ريَّحينا يابلد والتزمي بإنجيلك الحق وقرآني 
ريَّحينا يابلد وهدِّي كل غادر وعدواني 
صحصحي يابلد ووحَّدي يابلد القاصي والداني 
اصحي يابلد وفوقي د
ي مؤامرات الصهيوني والأمريكا نى
مرة فتنة ..ومرة حرق .. مرة اعتصام وعصيان يِهِد كياني 
وكل مرة الدم يسيل للركب ماهو دا بقى حالي 
خطفوا الأمان .. فرقوا إخواني 
حرموني النوم .. سرقوه من أجفاني 
شككوني في حضارتي
وتاريخي وآثاري 
عايزين يهدوني 
ويهدوا كل أحلامي 
لايابلد ياللي فيكِ بدال الولد 
مليون ولد يبددوا أوهامي
لايابلد اوعي تركعي
وترجعي للورا تاني
لايابلد اصمدي
ولِمِّي ولادك..هتقومي من تاني 
هتنهضي وتغني الطيور في كل بستاني 
ويجولك آمنين زي ما قال ربي فى قرآني