مجلة كل الخواطر / مفيش أمان للشاعرة/ عزة احمد

حرمت أآمن لنبض ...............القلوب
قلوب الناس بقت .....................غداره 
صحيح كل شىء ................مكتوب
بس الامان ضاع يا ...................خساره
وشوش تضحك ................لوشوش
بس النفوس ............................مكاره
.......
اول ما يشوفها يفشر ............عليها
ويقول لها صوتك ........................كناريا
و هى بالغدر اللى ..............ف قلبه
مش .......................................داريه
تصدقه و تقع ف ..................غرامه 
و تسهر مع النجوم ...................لياليها
............
و تتمنى تجيب له ..............حته م
الشمس تقدمهاله ...................بأيديها
تانى يوم يقول لها ............لا تزيدى
ف عنادك مش قادر على ............بعادك
يا حبيبتى مشتاق .............لودادك
حياتى من غيرك مش ...............لاقيها
...........
من فرحتها هيغمى .............عليها
و عشانه تتحدى العالم ................كله 
و محدش يقدر ....................عليها
مستعده تضحى بكل ...............ما ليها
بس تنعم بلحظة .................وصال
مع حبيبها و نور .......................عينيها
..........
و الدنيا كلها تهون ...............عليها
فدا ساعه مع الحبيب ..............تقضيها
و تمر بيها ايامها و هو ........مقضّيها
تنام و تصحى و الحب ..............مغطيها
و اما تيجى اللحظه ..........الحاسمه
الحبيب يهرب و ميردش ..............عليها
الحزن يملاها و الدموع فى .....عنيها
...........
لحد ما تجمعهم .....................الصدفه
يعمل مش عارفها قال يعنى..ناسيها
تفكره بالحب اللى ......................كان 
بوعوده و العهود و ايام ..........الحنان
يقول لها آسف ........................ياهانم
انا مش فاكرك .................ويستأذن
و يسلم ..................................عليها