مجلة كل الخواطر:: مش مسامحك :: بقلم الشاعر المبدع / محمد بنداري

مش مسامحك ﻻ
وفري دموعك لحد تاني
قولي زي مااتقولي
اه اناني
دلوقتي بس راجعه
تقولي انك اسفه
طب علي ايه وﻻ ايه
علي حب ضاع 
علي قلب باع
علي عمري اللي عشته
وانا بين ايدكي
قولي كل اللي في نفسك
وابكي
وافتكري يوم ما بعدتي
كل الفرق ما بيني وبينك
اني بجد في يوم حبيتك
لكن انتي كنتي بتتسلي
دلوقتي بس عرفتي قيمتي
وبتبكي وبتقولي ندمتي
صدقيني مش شمتان
وﻻ حتي فيكي فرحان
كل الحكايه مستهلكيش
دوري علي حد يلعب
ميحبكيش
بس سيبيني في حالي
اعيش.
محمد بنداري