جارى التحميل
استخدم زر ESC أو رجوع للعودة
مفيش في الامه العربيه
حاكم ربنا يرضى عليه
يصحي معنى القوميه
ويحاول مره يفكر فيه
امريكا بتستخدم ڤيتوا
وروسيا بتستخدم ڤيتوا
وإحنا في الجامعه العربيه
بندعي ديما ع الڤيتوا
ربنا قادر يخرب بيته
لو كنا رجاله بجد
كنا عملنا عليهم حد
اللي معانا احنا معاه
واللي علينا
نبني مابنا وبينه السد
مصالحنا علي طول منهاره
نتصالح مع بعض خساره
ناس عايشه علي بيع بترول
وناس بتخمس ف سجاره
سلاحنا كله من بره
الف حلاوه والف ماشاله
بيقولك اسرارنا حصانه
وسلاحنا م السوق الحره
الف خساره علي دي أمه
مريضه ديما عندها حُمّه
لازم ندعي ليل ونهار
ربنا عنها يشيل الغُمّه
مفيش في الامه العربيه
حاكم ربنا يرضى عليه
يصحي معنى القوميه
ويحاول بكرا يفكر فيه
