مجله كل الخواطر / ( أحلف بالله ) للشاعر / فرج الشاعر

بأحلف بالله وبكل شئ في سماه
ياأرهابي ياخاين ياابن الشاه
مهما تعمل فينا * مش هتسمع
منا الآه
إقتل فينا * دبح فينا * إحجم خطاوينا
مش هنخاف
فجر نفسك جوه كمين
في رفح أوسينا هتلاقينا
مش خايفين وتزيدنا عزيمة باذن الله
إنت معاك شيطان وغواك
وإحنا معانا ربنا يحمينا
كلنا واحد شعب وجيش
نبت أصيل مليون سنه في الأرض يعيش
مسلم أوقبطي شارب من النيل
دينا سماحه قرآن وإنجيل
في كل صلاه نرفع إيدنا وندعي بخير
جوة الجامع * جوة الدير
منصورة يابلدي ياأم الخير
وجيشنا حامينا
هنبني مصانع هنبني كنيسة وجنبها جامع
وربك للدعاء سامع
هنزرع صحراء تطرح شجرة
في كل أراضينا
نرويها بدمنا بالحب تلمنا
والخير ليوم القيامة فيها وفينا
بأحلف بالله ياأرهابي ياخاين
مهما هتعمل فينا
مش هتسمع منا الآة