مجلة كل الخواطر / (( أحـــلى العـــذاره )) بقلم الشاعر / ممدوح حنفي

تعالي يا هدية زماني .. نعيش فـ حلو الأماني 
مع الــورود و الأغاني .. ماتبعديـش عني تاني 
دي حياتي من غيرك مراره .. وبعدنا و الله خســــاره
ما تيجي يا أحلى العذاره .. وإطفي فـ قلبي الحراره
....................................................................
على الغصون مع الطيور .. نعيش حبنا فى السرور 
نغني مـع مـــوج البحور .. نتمتع بنسيم الــزهـــور 
وننسى ظروفنا الغداره .. القاسيه القادره السمساره 
ماتيجي يا أحلى العذاره .. وإطفي فى قلبي الحراره
.....................................................................
لا في عوازل سم يعزلونا .. ولا حساد هم يحسدونا 
ولا لايمين غم يلومونا .. بس البلابل نحبهــم ويحبونا 
ياللا بكل جُـــرئه وشطاره .. ندور مـع النجــوم الدواره
ما تيجي يا أحلى العذاره .. وإطفي في قلبي الحراره
.....................................................................
من يوم ما قولتي يا روحي .. إنك بتحبيني و روحي 
من يومهـــا إتردت روحــي .. تعـالي فـــين بتروحي 
دا فـ قلبي قايده الشراره .. وعيوني مع القمر سهاره
مستني يا أحلى العذاره .. تطفي في قلبي الحـراره