مجله كل الخواطر / (مش حلـــــــم لا ) للشاعر / حمدي القرشي

.

مش حلم لأ , ولاكان خيال ,, ولاكان كابوس , ولاحد قال 
.
لكن حقيقه انا عشتها ...... صعبه , واغرب من الخيال !!
.
كان المرار طعم العسل ,,, والصَّبر فيه ,,,, فاق المثال !!
.
ماافهمش ليه خدني القدر مشوار غريب
.
قدَّملي كل السَّعد فيه , وبسرعه مال ؟!!
.
شوفت في عينيها لون جديد , مالقيتش زيُّه في الوجود
.
لافي حور تلاقي زيُّهم ......... ولافي الغزال !!
.
الحُزن باين في الرموش , وعليه رتوش ,,,,,,,,
.
وكحيله لونهم العيون ,,, والسحرفيهم والجمال
.
حتى السواد ,,,, لون العسل , بني خفيف
.
وصحيح ظريف , والفرحه فيهم والكمال !!
.
ازاي مكان الحزن فيه والفرحه باقيه لسه فيه ؟
.
حبت تداري جرحها يوم اللقا , تنسى آلامها والشَّقا .....
.
لكن ياعيني كان شديد , وشديد شديد ,, فوق الاحتمال !!
.
كان نفسي أخطف حزنها , وبايدي راغب أقتله
.
لكن قدرها صدّني , أصل القدر ...... فاق المُحال !!
.
.
مااعرفش ليه دخل الشيطان , في غير أوان ؟
.
وسوس لنا , سيطر ودمَّر حلمنا , وفي لحظه زال !!
.
ياريت يكون حُكم القَدَر , هوَّ الِّي قايل كلمته
.
ويكون لنا في البعد فايده ومصلحه... بعده وصال !!
.
ووصال يكون بعد اشتياق يمنعنا نهجر بعضنا
.
وتعود لقلبي بسمته , ونعيش حياه حب ودلال
.
وتكون دي رؤيا مش كابوس , فيها الأمل
.
وتكون ارادة ربنا أرحم لنا , نعيش حقيقه مش خيال .
.
.
مش حلم لأ , ولاكان خيال ,, ولاكان كابوس , ولاحد قال 
.
لكن حقيقه انا عشتها ...... صعبه , واغرب من الخيال !!
.
كان المرار طعم العسل ,,, والصَّبر فيه ...... فاق المثال .
.