جارى التحميل
استخدم زر ESC أو رجوع للعودة
مولد زحمة شوارع فيها الخلق بتمشي بالطوابير
اللي ماسك في إيده شخشيخة واللي بيفرح بالطراطير
واللي بيجري على المراجيح فاكر هي بساط الريح
جرب نشن فتح عينك تاكل ملبن الله يعينك
يالا السيرك تعالى وشوف كله يابا ع المكشوف
عروسة البحر واسمها زينه نصفها سمكة وهي حزينة
نسمع سوى كلنا حكايتها نعرف إيه هي قصتها
يالا اضحك على البلياتشو تعالى شوف نكته تعالى شوف نتشه
تعالى وقرب يا بلادينا .. . .. وإنتي ياست وإنت يا أخينا
كل الناس تايهين في الزحمة ... .. ... أصل المولد مافيهوش رحمة
كله تايه وسط المولد .. . .. كله بيفرح جوه المولد
إشي نشال نصاب وحرامي ... محدش طايق فينا التاني
واللي يعاكس في الستات ... زحمة وكل شيء متاهات
وأدي فلاح والتاني صعيدي ... عمال ينده على هريدي
وأدي حلقات ذكر الله ... مدح نبينا رسول الله
وأدي حلابسه وبتاع كبده ... وأدي بيفرق فتة ولحمة
واللي يجيب حمص وحلاوة ... واللي يدفي روحه بعباية
وأدي حلاق والتاني مطاهر ... واللي يبوس في مقام الطاهر
كل الناس تايهين في الزحمة ... .. ... أصل المولد مافيهوش رحمة
كله تايه وسط المولد .. . .. كله بيفرح جوه المولد
**********************
كلمات الصدق
فارس الليل الحزين
محمد عطيه محمد
