مجلة كل الخواطر / ,(لوحب مايخونشى ) بقل الشاعر / عبد الله السايح

يامن ملكتي الهوى
وشربتي من كاسه
وحكمتي إنه دوا
بيداوى حراسه
وتاريخك اللى إتروى
قال للغرام ناسه
وفرحتي لما الهوى
أعطاكي إحساسه
روحتوا وجيتوا سوا
ورفعتوا فى أساسه
بين الضلوع إنطوى
من الحب إخلاصه
وسنين كتير مااتلوى
قلبك ووسواسه
وفى لحظه واحدة غوى
وفتحتي ترباسه
دخل الشيطان وإستوى
على القلب وحماسه
وبين ضلوعك رمى
كتابه وكراسه
وصف الخيانه .. إنما
يامحلا وسواسه
والقلب لحظه إتعمى
تاجر بإخلاصه
وفهمتي إن المنى
بالسعي أسبابه
ونزلتي بير الخيانه
وندهتي أصحابه
لابسين لباس المهانه
تايهين فى أنيابه
والحب سايب ليجامه
فرحان بإيمانه
إن الخيانه إدانه
للحب وذمانه
ولاحب يقدر يخون
مهما خف أوذانه
مهما تراوده الظنون
صعب إذعانه
وإن صابه حتى الجنون
والمتعه فى لعابه
يبقى استحالة يخون
مهما الضمير سابه
وإن خان تقول العيون
ماجبش الحب ولاجابه
عشان القلب مايخون
لو كان الغرام صابه
بعيونه يشوف الكون
حبيبه وكل إعجابه