مجلة كل الخواطر:: كـفـايـا :: بقلم المبدع الراقي أ / طه ابراهيم

كفايا
******
يا ولاد بلدي مكفايا الحرب
يمكن نقدر نفهم بعض
يمكن نقدر رغم الصعب
يمكن نقدر نبنى بلدنا
يمكن نقدر نحمي ولادنا
ونعمر ف الدنيا ونصلح ف الارض
يمكن نتجمع بعد شتات
ايد واحده صبيان وبنات
ونروح للواجب والفرض
يا ولاد بلدي مكفايا الحرب
***
عايزين بهدوء نتكلم
والجاهل يقرا و يتعلم
مش عايزين الصوت العالى
واللي ..... يقول .... انا مالي
سبها يا .... عمى .... تولع
أو .... ع العلماء ... يدّلع
ع .... الفتنه يفرق ويجمع
وشبابنا .... الطاهر... بيموت
وجنازة بعد جنازة تفوت
زلزال ... هيهد ........ الدنيا
يا اخوانى ماهيخلى بيوت
يا إلهى احفظنا من الكرب
يا ولاد بلدي مكفايا الحرب
***
وصراع موجود ف الشارع
ومدارس مقفوله ومصانع
وانابل .... ملتوف .... ومدافع
والفوضى ... عمت ..... فبلدنا
وصلت ... للبيت .... والجامع
واللى .... مايشترى ..... يتفرج
أو قاعد ف البيت سامع
والناس عيشه ف رعب
يا ولاد بلدى مكفايا الحرب
*****
يمكن نقدر نتوحد تانى
وندور ونشوف مين الجاني
قوتنا ف وحدتنا ثورتنا هتتحقق
خطوات ... مأريه ..... ومعروفة
مش خطبة بقولها ولا أغانى
ثورتنا ...... مفهاش ..... تدمير
ثورتنا ..... ثورة ...... تغيير
ثورتنا .... ف الغيط والمصنع
مش ثورة عصيان ف التحرير
ثورتنا مش ضد الشعب
يا ولاد بلدى مكفايا الحرب
*******
بقلم / طه إبراهيم