جارى التحميل
استخدم زر ESC أو رجوع للعودة
عايز يابحر افضفض معاك واقول
يمكن كلامي يصحي العقول
ليه يابحر الامان
كان حلو زمان
كنت اسيب بابي مفتوح
لحد ما اجاي واروح
بس دلوقتي اخاف اسيبه
مش عارف فتحته ايه اللي تجيبه
يمكن تجيب حرامي
يسرق مني احلامي
ولاتجيب صاحب دساس
ميعرفش يحبني الإ بين الناس
ولا تجيب امل في بكره البعيد
اللي مش جاي لو ضربت دماغي في الحديد
ولاتجيب بعد الحزن فرحه
وتدخل عليه عروسه لباسه طرحه
خلاص يابحر راح الامان
وياريت انسي اللي كان
وهمشي وبلاش تنساني
عشان في فضفضه معاك تاني