( مجلة كل الخواطر ) عمـر الحب ما يبقي غصب" بقلم الشاعر المبدع أ / حسن الشوان

................... عمـر الحب ما يبقي غصب ...............
......................................................................
توغلت في أركان قلبي بمعداتك
في لحظة أسترخاء لحدودك
إبرار جوي هبط عليا بكل عتادك
ولم تحترم معايا خطك ووعودك
تسللت بهدوء
في ليله أنزوي فيها القمر
وأشعلت الضوء
لخطواتك ورا أغصان الشجر
وسخرت النوم ينعسني
وتراوة الهوا ترعشني
وبتجذب كل شيء يشغلني
وزرعت قواعدك في قلبي
وانا مش قدك عشان أصدك
كأن قلبي ما له صاحب
وفرضت عليا تبقي جنبي
والمفاجأه خلت فكري غايب
ولما أنتبهت لتحركاتك
لقيت علي ابراجي قيودك
و نور المناوبه فاصل بأيدك
لكن مهما كان عنادك
وأسلحتك وأعــــدادك
عمر الحب ما يبقي غصب
ولا الإحساس يكون بالأمر
والقلب لما يحب لأي سبب
لا بالجاه ولا بالمال ولا بالفقر
الحب بيتولد وفيه العجب
ومهما كانت قواتك والعدد
إستجيب لحواري بند بند
الأول من ميداني أنسحب
وإرجع لقواعدك تاني واترد
وإظهرلي حسن نياتك
ومعايا عيد تاني حساباتك
عشان الكل ميعرفش
ويكون ليا نفس أتكلم بجد
ولو الأمر أتطور ح تلقاني بتغير
مهما كان ليك سند
وتعرف أن مشاعري ما تغتصبش
والحب بركان أمل يفوق أي حد
في لحظه يفيض أو يتخمد
ومهما كانت مبراراتك
حسسني بصدقك وإنسحب
عشان ما أترددش وأحبك بجد 
..................... حسـن الشـوان..... موثقة.......