أنا أسف أنا غلطان
بقـــــلم تامر النقيب
***************
أنــا أسف أنا غلطان
أنا محروق على دمعك

وحاسس فيا ميت بركان
يموت الشِعر لووجعك
يموت قلبى لوماكان حبك
يموت برضو القلم منى 
وأنشل أنا وكلى
لو إنى أكون سبب زعلك
تقيد فيا نيران الدنيا 
دى بحالها ولا يجى 
على عيونك ف يوم دخان
أنا أسف وسامحينى أنا غلطان
صارحتك بس بمشاعرى
وصفتك أيوه في شِعِري
ووصفه هو إحساسى بدون تزييف
فقلبك منى باااااااااات غضبان
أنا أسف أنا غلطان
أنا لايــم على قلبى 
ولو كلمنى على حبك 
هقوله بس خلاص إخرس
وادارى مشاعرى جوايا
وأقوله هى بيك هتحس
وأقوله ياقلبى كون ليها 
حبيبها ونورها بعنيها
وحايلها وداديها وليها اخلص
كفايه هى حبيتنا
وجابت لينا ضحكتنا
وكل الدنيا عرفتنا
بأنى ف حبها ولهان
فلازم ليها نتأسف
وليها أقول أنا غلطان
انا وصيت خلاص قلبى 
يكون وياكى خط أحمر
ولما أكون أنا ملهوف
راح أغصب نفسى راح أصبر
وهنطق كل إحساسى 
فى حبه من كلام الشِعِر
وأقول لقلبى وياها 
بلاش تنطق بإحساسك
وتتنيل على عينك ما تتمنظر
فى لحظه قولت إحساسك
لقيتها حزينه مهمومه
وسهرت ليلها محزونه
ودمعة عينها تتلهف على حضنك
لكن عايشه ومحرومه
ونزلت دمعة عيونها كأنها جمر
قالت يبقى البعاد أحسن
لكن مقدرش يوم ع الهجر
لأنى بقلبى أنا عشقتك 
يازهرة عمرى والريحان
أنا أسف وسامحينى أنا غلطان
أنا غلطان وسامحينى 
ياحلم العمر ياروحى وشرايينى 
يا أجمل حب أنا عيشته
ومن غيرك أتوه توهان
أنا غلطان 
ويشهد ربى على حبك
ساكن جوه
بحبك حب وبإخلاص
لافيه نزوه ولاشهوه
بحبك قد حرمانى زمان عيشته
وجيتى إنتى ياحبيبتى
شعرت معاكي بالقوة
كتبتك ياما بدفاترى
رسمتك ياما فى ملامحى
وكنتي ف ريحتى وف عطرى
حلمت بيكي وأنا صاحى 
وشوفتك ياما فى مرايتى
وشوفتك جوه أحلامى 
وشوفتك نجمتى وقمرى
لمستينى وحضنتينى
وخدتيني جزيرة حب وأمانى 
وقولتيلى بكره راح تكون قدرى
وبعد العمر ده كله
أنا شوفتك
فحبيتك بأرض الدنيا والواقع
ولما قولتلك عاشقك
عليا قولتى واد صايع
برغم سمعتها منك
بحبك حب
لافيه حاجزولا مانع
وعاهدتك على عمرى 
أكون ليكي
وجوة عيونى أخبيكي
وأحبك قد ما هقدر
وأصونك والله وأراعيكي
وأكونلك كل شئ ف الكون
ولاعمرى هكونلك يوم 
أنا مخادع
منيش تافه ولا ضايع
ولاغدار ولا بايع
أنا بس الغلط فيـــــا
بقول إحساسى بالتفصيل
ويطلع حزنى ومواجع
عشان أيوة أنا عشقتك
وزى ماقالو يوم عنى 
ده قلبه جميل
لكنه برضو بنفس الوقت
عبيط غلبان 
لكن من يوم ماحبيتك
بقيت إنسان
وبيكى بملك الدنيا
وهى غلطه من خيبتى 
بقولك فيها يا حبيبتى 
أنا أسف أنا غلطان
تامر النقيب ,,,,,