في استشهاد الطفل محمد الدره. 
.... ... ..(صرخة أب)……… 
يامحمد ياحبيبي سﻻم 
بعدك يامحمد مات الكﻻم
هرب الحماس والانسجام
باتت عيوننافى سﻻم
مات الضميرومفيش مﻻم
علت الشفايف الابتسام
دار الزمان ومفيش زحام
عادت قلوبنا للغرام
مات الكﻻم ..حتى الكﻻم! 
موتك يامحمد فى ضميري وبس
ماهو إنت العين بالروح تتحس
ماهو إنت القلب والشوق والحس
ماهو إنت الإبن فى زماني النحس
وانابعدك أب فقدت العرس
بموتك يامحمد إتعرت روحي
أنزف وعمري ماهخطي جروحي
أبكي وايامي بتنوح على نوحي
أبكي واحﻻمي تاه منهاطموحي
شايف يامحمد صورتك! 
واقف والبسمه مسيرتك
والحلم بيراوض عينك
تكبر يشتد حنينك
وانا واقف أفكرفيك
وافكر إزاي أداديك
وان قلت يابابا ألبيك
ومت… ماقدرت أحميك! 
أناعاجزيامحمد ياابني
والرب بالشوق يحاسبني
أناعاجزوالكل سايبني
ودمك فى قميصك عابني
وسريرك بالعار بيصيبني
وانا واقف لوحدي بكيت
فى نومي بكيت
فى حلمي بكيت 
واناصاحي بكيت
على روحي بكيت لما استكفيت
وبنار الشوق والحيره مشبت
أدور فينك يامحمد ..ياما استنيت! 
قلبت دفاترك ونهايتك
فوق إيدي وقدام البيت
ولقيت مرسومك فى رسومك
كان كل حمامك من غير جناحات
مدهوس فى الطين
يحكي الحكايات
كان كل زيتونك بالأحمرلونه
والأرض تردد بعض آيات
ولقيتني بكيت من تاني بكيت 
وبكيت وبكيت لما استكفيت 
لكن يامحمد أنا أب وفاكر
تارك يامحمد مش فض مشاكل
تارك عايش به مش ناكر
إنت إبني وهمه ليهم أوﻻد
وانت كبير عن كابر
بس التار مستني ميعاد
وحياة دمك أنا مش صابر
رغم ضمير الأمه الغايب
رغم القلب وحزنه الدايب
رغم سنين عايشين فى مصايب
موتك يامحمد حرب
على العدو وعقله الغايب
…… ..(شعر)…… ...
…… عبدالله السايح… ..