جارى التحميل
استخدم زر ESC أو رجوع للعودة
نقطة ……………ومن أول السطر
بحبك…
أيوه بحبك ..
بحبك إنتى .. زى مانتى .. عايز أقولها بس خايف
عايز أقولها ما بين شفايفك وما بين رموشك
عايز أقولها بكل همسة .. وبكل لهفة
بس خايف كلمة بحبك تجرح خدودك
نقطة ……………ومن أول السطر
بحبك…
أيوه بحبك
بحب صوتك … بحب طيفك
وفى سكونى.. فى عز ليلى .. بقوم أنادى ملامح سكوتك
حتى قساوتك بتزيد غلاوتك جوا قلبى
زى الندى لما يُطل ويخضَّر عودك
نقطة ……………ومن أول السطر
بحبك…
عايزه تفوتينى فى عز ضعفى . وتسبينى وتنسى قلبى
عايزه تبعينى .. عايزه تخونينى
طب قولي خُنتك !!
مش راح أسيبك .. وهفضل أحبك
وعمرى ما هنسى قلبى اللى إتولد فى حضنك
نقطة ……………ومن أول السطر
بحبك
أيوه بحبك …وجتلك بغنى وفى إيديا صورتك
هكتب بدمى تاريخ ميلادك
وهرسم بروحى تفاصيل ملامحك
وفى يوم ميلادك كان يوم فراقك
نقطة …..
