(مجلة كل الخواطر) "حالة خسوف" بقلم طارق شامخ عبد الجواد

حالة خسوف
مفضلش غير حبة حروف
وكلمتين في كام جواب
لا لحقت أغني ولا أشوف
الفرح زي باقي الاحباب
والشمس غابت من الكسوف
دق الفراق على الأبواب
حسيت بضعف لمسني خوف
غرقت في بحر من العذاب
قلبي إتوجع سكنه الوجع
سهران وبضرب في الودع
من غير قمر أصل القمر
غاب ما رجع
عنده أكيد حالة خسوف
آآه يا آلم ف الضلوع 
عمال تكسر بالقوي
آآه يا عيوني م الدموع
دبلت خلآص وردتي
والذكريات جايه بآهاات
وثواني بتمر ف ساعات
حتى النغم مكملش علشان 
إنقطع وترك يا عود
أنا مش بعاتب مش بلوم
ولا جي أفكر بالوعود
أنا بس بلعن ف الظروف
قلبي إتوجع سكنه الوجع
سهران وبضرب في الودع
من غير قمر أصل القمر 
غاب ما رجع
عنده أكيد حالة خسوف

طارق شامخ عبد الجواد